كل الغلا

أفلاطوني الهوى

أمل

خيـــانة

أخلصت لك بالحب وقدمت عربون

            وهقيـت إنــي بالـمـحـبـة ضنينـك

وشلـون طـاوعـــك قلبــك تـخــون

            وأنـا دخيلك بين حضنــك وبينـك

لــو هـو عــدوك واستجـــارك يمون

             تحميــه وتسكـنه وســـط عينــك

ترى الــهـوى بالــوفــا رهن مرهـون

            لاخنــت تـنـقـص ولــو زاد زينــك

الـلـي محيـرنـي لـــيــش وشــلــون

            يومنـهــا طعـنـتـي مـــن يـديـنـك

الجــرح مــن غيــرك عنــدي يـهـون

           إلا أنت جرحك في عيوني يشينك

يـامـا تغـاضيت ولا قـلـت لي ممون

           راجـع حســـابك وتشــوف ديــنـك

بالأمــس تســوى كــــل هالـــكــون

            ولاحد بحياتي يا حـبيبي وزيـنـك

واليـــوم واللــــه منـــت مــامـــون

            لان الثـقـة ضاعـت بـيـني وبـيـنك

معـــاد أنـــا فيـــــك هايم ومفتون

            ولاعــاد تشفع لك دمعـة حـنـينـك

                      

قصة صمت

مهزوم أنا

بنّي