يا وجودي وجـد مـن ضم اللحد
والدينـه وابتـدت رحـــلة أســـاه
يـوم راحــوا كــل شي(ن) انفقد
الــفــرح وأحـــلام العمـر ومنـــاه
هلــت دموعي وجافاني السـهـد
وزاد بي حـزني وأشقــاني مـعـاه
لا وربي مـــا يعـــوضـهـم أحـــد
الأبــــو والأم مـا عنـــهم غـــنـــاة
مـن فقدهـم وش بيصفى له بعد
تستــوي عنده حيـــاته مع فنـــاه
والـدي دايــم وهـو نعــم الســند
والعضيد اللي علـى كتفـه التــكاة
وأمـي الطيــبـة مـا تـوفـــر جهد
لجـل أعيش العـمــر ماحس بعنـاه
عنهم الاثنين مـا شـي(ن) يـسـد
لا قريب ومـال ولا عــز(ن) وجــاه
ذكــرهـم في خاطري لامـن ورد
يعتصر قلـبي من حـزن(ن) لــــواه
أتصبر ميــر جــرحــي مــا بـــرد
وأرفــع الكفيــن للعــالي بســمــاه
دعـوة(ن) تاصـل لاجت مـن ولد
يا عسى ما تنقطع طــول الحيـاة
ليست هناك تعليقات:
إرسال تعليق