لا تحسب إني يـوم صديت مرتــاح
لا والــذي أعطـــاك حســن وذرابـة
ياللي عيونـك فعلها فعــل الأرمــاح
ارحم صويب(ن) سهم الحب صابه
الفكر يـمـك طـــــول الوقت جمّـاح
ما يـوم عن دربـك حـــادت ركــابه
والعين من بعدك بها الدمع نضـــاح
والـــراس منك داعي الـهـم شـــابه
دايــم وطيفـك على الشوف لـــواح
حتى بنومي صوبي الـحـلـم جــابه
يا بو جديـل(ن) على المتن لـفـــاح
مـن سبتـك يا زيـن أشكي صبـابة
أنت قـريـر العـين لاهــي ومرتـــاح
وأنا أعـاني الشـوق وحرقة عـذابه
كني فراشـة تحـوم حـول مصبــاح
العشــق بلـــوة ولا فيــهـا غــرابـة
ترى مكانك بين الأضــــلاع ما راح
أنت هـلـي وربعي وكــل القــرابـة
انسى الزعل واذكر الحب يا صــاح
سمــا هـوانــا ما تحجبه سحـــابة
الود باقي وطـــاح الحطب طــــاح
اخذ العذر وهــــات حلو الإجــابة
ليست هناك تعليقات:
إرسال تعليق